BY: Dr. Omar Cabdilaziz (Khaleej Times),
Dubai, 24th December 2000.

Note:Text was Translated in Somali from the original Arabic by Banadir.com

Wuxuu Raiisul Wasaare Cali Khaliif Galaydh ku tirtirsiiyay wadamada Carabta inay gacan ka geystaan hawlaha dib loogu dhisayo Qaranka Soomaaliyeed ee burburay,isagoo isla markaana ugu yeeray inay ka qaadaan xayiriddii ay ku soo rogeen xoolaha Soomaaliyeed, oo ah kuwa caafimaad qaba , kana hufan cudurka lagu sheegay ee Xumadda Waadiga (Rift Valley Fever ). Wuxuu kaloo sheegay in xooluhu ahmiyad gooni ah u leeyihiin shacabkeena waayo waa laf-dhabarka dhaqaalaha iyo tiirka nolosha dalka.

Mudane Cali Khaliif oo hadlkiisii sii wata wuxuu yiri in muhimadda koowaad ee Xukuumadda KMG ay tahay sidii hubka looga dhigi lahaa maleeshiyooyinka oo tiradoodu dhan tahay ilaa iyo Labaatan (20) kun ,taasi oo ku imaan karta diyaarinta barnaamijyo lagu hawlgeliyo oo ay ku shaqeystaan , waxayna arrintaa u baahan tahay adduun dhaqaale . Mar wax laga weydiiyay hawlqabadkooda afartii bilood ee na soo dhaaftay,wuxuu xusay dhismaha Golaha Wasiirada ,magacaabidda maamulka Gobolka Banadir,hawlaha nabad-raadinta iyo xareynta ilaa iyo 6000 oo hore hubka u sitay.

Sidoo kale, wuxuu Ra'iisul Wasaaruhu beeniyay wararkii ay wakaalada sheegeen ee ahayd in la isku dayay in lagu dilo Garoonka Bali-doogle markuu soo dhoofayay.Wuxuu kaloo tilmaamay in siyaasadda dawladda KMG ah ay tahay in ay deris wanaag la ahaato Ethiopia,inagoo tixgelinayno sidii Ethiopia u soo dhoweysay shacabka markuu dalku burburay,taas ayeeyna ahayd tii keentay inuu Madaxweyne Cabdiqaasim booqdo Adis-Ababa,si loo sii wanaajiyo xiriirka labada dhan.Xiriir wacanna wuxuu ku imaan karaa haday labada dhinac wax isla wadaan.

Wuxuu kaloo Mudane Cali Khaliif xusay in dalalka Yemen iyo Liibiya ay u soo direen dawladda KMG kaalmo yaroo degdeg ah,sida matoorada Korontada,dharka iyo qalabka ciidanka booliiska,iwm, iminkana walaalaha Carbeed looga baahan yahay inay kaalmo wax ku ool ka geystaan sidii dalka dib loogu dhisi lahaa.

Sidoo kale Qadar iyo Kuwait ayaa iyana na siiyay kaalmo teknika ah. Isagoo ka hadlaya kaalinta ay ka filayaan Dalka Talyaaniga inuu ka qaato dib-u-dhiska,wuxuu carabaabay Ra'iisul Wasaaraha in mas'uuliyadda saaran Talyaaniga ay tahay sidii uu uga soo heli lahaa wadamada reer Yurub ee ay bah-wadaagta yihiin kaalmo dhaqaale,arrintaana ay ka haystaan ballanqaad.Waxaa kaloo jira arrinta la xiriirta qashinka sunta ah ee lagu duugay meelo ka mid ah dhulka Soomaaliya , oo loo aaneynayo Shirkado Talyaani iyo kuwa kaleba,waxaana arrintaa ka bilowday dabagal aan filayo in warbixin taam ah ka soo baxdo.

Isagoo ka faa'iideysanayo fursaddan ayuu Mudane Cali Khaliif Galaydh soo xusay kaalinta lama ilaawaanka ah ee Sheekh Zaayid had iyo jeer kaga jiro taabagalka musaalaxada Soomaalia, iyadoo mowqifkiisa yahay mid tixgelin mudan .

Waxaa iyana taa barbar socday,anagoo og, dadaalka Madaxweyne Cali Cabdalla Saalax ugu jiray sidii ummadda Soomaaliyeed loogu heli lahaa maslaxad waarta,waana ku mahadsan yahay .

Ugu danbeyntii,wuxuu Ra'iisul Wasaaruhu hadalkiisii ku soo gebegebeeyay su'aal laga weydiiyay siduu u arko mowqifka Mareykanka iyo Ingiriiska ee ku aaddan Dawladda KMG ,wuxuuna kaga jawaabay in waxyaabihii ay nagu xireen ee ahayd IGAD ha idiin aqoonsato , ay noo hirgashay .