Madaxweynaha DKM ee Jamhuuriyadda Soomaaliya Dr.Cabdiqasim Salaad Xasan ayaa manta daboolka ka qaaday in Xarunta SOS ay tahay Hanti Qaran,cid xaraashi kartana aanay jirin,sidaaina wuxuu ka sheegay mar uu furayay Xarun cusub oo dib loogu habeeyay Guud ahaan Maxakamadaha Gobalka Banaadir.

Dr, Cabdiqaasim Salaad Xasan oo ah masuulka ugu sareeyo DKM waxa uu hadalkiisan soo beegmay iyadoo maalmihii tagay Jaraaidyadda Muqdisho lagu qoray in Kaaliye Maxkamadeed uu Go’aamiyay in la xaraasho Xaruntaasi kadib Shirkad ganacsi ay ku sheegatay xaruntaasi Hanti, wuxuuna Madaxweynuhu xusay doorkii ay Xaruntaasi ka soo qaatay u gargarida shacbiga,gaar ahaan Haweenka iyo Caruurta Soomaaliyeed,isagoo hoosta ka xariiqay in go’aanka kaaliyaha Maxkamadeed uu ahaa mid qaldan, sidaasiaawigedna uu farayo Ha’adaha Garrsoorka in ay baaris ku sameeyaan sababihii dhalisay arrintaasi.

Madaxweynaha Jamhuuriyadda Soomaaliya wuxuu mahadnaq usoo jeediyay Hay’adda Caalamiga ah ee SOS, wuxuuna mas’uuliyiinta Hay’adaasi ugu baaqay inay howlahooda samafal dib u bilabaan isagoo u balanqaday in Dowladdu ay gacan buuxda ka siin doonto Gudashada Xilka ay u hayaan Ummadda Soomaaliyeed.