Machadka Som-Can Institute for Research and Development iyo Xarrunta Partnership Africa Canada oo saldhigoodu yahay magaalada Ottawa ee dalka Canada waxay idiin soo gudbinayaan in shirkii ka dhacay Parlamaanka Ottawa iyo Carleton University Nov 3-4, 2000 uu si guul ah ku dhamaadey.

Shirkaas oo looga hadlayey sidii waddanka Somaliyeed loogu soo dabbaali lahaa nabad waarta iyo horumar waxaa ka soo qayb galey dad badan oo ka kala yimid dalka gudihiisa iyo dibaddiisa, gaar ahaan dad matalaya dawladda Canada, United Nations, Dawladda Jabouti iyo dadka Somaliyeed.

Waxaa la isku weydaarsadey figrado kale duwan, isku mid ah, kuligoodse ay ku wajahan yihiin " Strengthening a Somali Culture of Peace and Development" iyo sidii lagu gaari lahaa xal (Recommendations/Solution) nagu hogaamiya nabad waarta. Dadkii ka hadley shirkaa waxaa ka mid ah Mrs Zaynab Aden, Ahmed Haji (Somalia Watch.org in Canada), Djibouti Ambassador Mr. Roble Olhaye oo u fadhiya United Nationka, Dr Babafemi Badejo oo ah Senior Political advisor for Somalia "UNPOS" isna naga soo gaarey halkaa iyo dalka Kenya.

Waxaa kaloo shirka ka soo qaybgalay Mudane Ahmed Dahir Shell (Co-chair of Somali Techincal Committee) oo ahaa malaha qofkii ugu horeeyey uguna danbeeyey ee ka qaybqaata qabanqaabadii shirkii nabadeynta Somaliyeed ee ka dhacay magaalada Carte ee Jamuuriyadda Jabouti .

Shirka waxaa furey (Key note speaker) Mr. Eugene Bellemare oo ah Parliament Secretary oo ku hadlayey magaca wasiiradda Mrs Maria Minna, oo suurto gal u noqon weydey inay ka soo qayb gasho shirka electionka waddanka Canada ka socda awgeed.

Waxaa kaloo si hufan u qaadaa dhigay aragtiyo casriyeysan maalintii labaad ee shirka,mudanayaashan hoos ku xusan Mr. Mahamed Dalmar, Mr. Abdishakur Abdulle oo Dubia nooga yimi, Dr Osman Salaad from Quebec, iyo Mr Mohamed Elmi.

Dhaantood waxay si hagar la'aan ah u soo bandhigeen sida ugu haboon ee waddanka horumar lagu gaarsiin karo, loogana hortagi karo wixii dhibaato hor leh u keenaya, isla markaasna lala kaashado dadka Somaliyeed ee dibadaha ku nool iyo caalamka intiisa kale sidii arrimahaan lagu hirgalin lahaa.

Ugu danbeyntii waxaan mahad u celinaynaa dhamaan dadkii ka soo qayb galey shirkaas, gaar ahaan Mr. Ahmed Hashi Hashara, Mrs Idil Salah, and Ahmed Yusuf oo si wacan u hogaaminayey doodda furan ee shirka (chair person).

Waxaa kaloo mahad mudan members of Som-Can Advisory Committee, dawladda Canada iyo dadkii isku taxalujiyey inuu shirkani ku dhamaado guul. Qoraalka gaaban ee shirka (Executive Summary) waxaa uu soo bixi doonaa muddo laba usbuuc gudahood ah haddii Alle idmo, qoraalka weyna (final report) waxaa uu suurto gal noqonayaa bisha inagu soo fool leh December 2000.

Ciddii doonaysa qoraaladaas, la soo xiriira (SCIRD or PAC)
Mahadsanidin.
Mrs. Ebyan Salah
Executive Director Som-Can Institute for Research & Development
219 Argyle Ave, Suite 216 Ottawa Ontario, K2)P 2H4
Tell (613) 569-3471
Fax (613) 232-3660
Email: ebyan@somcan.on.ca