Hargeisa,16th May 2002

Madaxweynaha Somaliland Daahir Riyaale Kaahin ayaa maanta ku dhawaaqey qofka qabaanaya xilka madaxweyne ku xigeenka Somaliland. Riyaale ayaa u Magacaabey Axmed Yusuf Yaasiin oo ka tirsan Golaha Wakiilada ee Somaliland.

Riyaale oo ka hadlaayey magaacibida ayaa sheegay in magacaabida Axmed Yusuf Yaasiin in uu ku saleyay Axdiga isla Markaasna uu u gudbiyey Golaha Guurtida iyo kuwa wakiilada.

Axmed Yusuf Yaasiin ayaa ku dhashay magaalada Hargeysa sanadku markuu ahaa 1957, wuxuuna waxabarashadiisa ilaa dugsiga sare ku qaatey magaalada hargeysa. sanadkii 1981 wuxuu dhamaystey Diblooma xisaabaadka ah Jaamacada new Jersy ee dalka maraykanka.

Sanadkii 1979-1993 wuxuu ahaa ahaa Kormeere hawlaha gargaarka ee Safaarada Maraykanka ee magaalada Riyaad ee Dalka Boqortooyada Sucuudiga.

Sanadkii 1993-1997 wuxuu ahaa Gudoomiyaha Shirkada ganacsiga ee Dubai xafiiskeeda Hargeysa. Sanadkii 1997 wixii ka danbeeyayna wuxuu ahaa Mudane ka tirsan Aqalka Wakiilada.

Magacaabida Axmed Yusuf Yaasiin ayaa dad badan ku noqotey arin ay la yaabaan iyada oo aanu ka mid ahayn dadkii la filaayey in jagadaan ay ku soo baxaan.

Madaxweynihii hore ee Somaliland Maxamed Xaaji Ibraahim Cigaal ayaa ku geeriyoodey 03 May 2002 Dalka Koonfur afrika, Isla maalinkaas ayaa Daahir Riyaale loo dhaariyey Xilka