Hargeisa,4th May 2002

Jamhuuriyadda la magacbaxday Somaliland ayaa madaxweyne cusub loo dhaariyay saacada ka dib marka uu ku geeriyooday madaxweyne Maxamed Ibraahim Cigaal isbitaal ku yaala waddanka Koonfur Afrika.

Madaxweyne Ku Xigeenka Dahir Riyale Kahin ayaa lagu caleema saaray shir degdeg ah oo ay ka soo qayb galeen saraakiil sarsare oo ka tirsan dowladda sida uu qiraya Dastuurka waddanka sida ay sheegeen saraakiisha. Mr Kahin ayaa markii dambe sheegay in meydka Cigaal la geynaya Hargeysa Sabtida ka hor inta aan lagu xabaalin magaalada Berbera oo ah halka uu ku yaala qabriga aabihiis, sida uu ahaa codsigiisa ka hor inta uusan geeriyoonin.

Toddoba maalmood oo loo barooranaya Madaxweynaha ayaa lagaga dhawaaqay waddanka waxaana Dahir Riyaale uu ugu baaqay dadweynaha Somaaliland in ay eebe u baryaan madaxweynahooda geeriyooday.

Mr Cigaal oo laga daaweynayay dhowr xanuun oo ay ka mid yihiin Cancer, dhiig kar iyo kaadi macaan ayaa waxaa uu u dhintay wax lagu tilmamay dhibaatooyin ka dhashay qaliin lagu sameeyay.

Waxaa madaxweyne loo doortay sanadkii 1993-dii balse jagadiisa iyo madax banaanida Somaliland ayaan labaduba laga aqoonsan caalamka.