Abu Dhabi,26th April 2002

Wefdi uu hogaaminayo Cabdiwaaxid Cilmi Cumar,Wasiirka Beeraha ee Dawladda KMG ah ayaa shalay galab ka soo degay magaalada Dubai ee dalka Imaaraadka Carabta, si uu uga qaybgalo kal-fadhiga 27aad ee Wasiirada dalalka ku jira Jaamacada Carabta ee Horumarinta Beeraha oo lagu qaban doono Caasimadda Imaaraadka ee Abu Dhabi inta u dhexeysa 28ka ilaa 30ka bisha April 2002 .

Kal-fadhigan oo ah mid labadii sanaba mar la qabto,waxaa iska kaashanaya qabashadiisa Wasaaradda Beeraha Imaaraadka iyo Hay'adda qaabilsan Horumarinta Beeraha ee Jaamacadda Carabta ,waxaana lagu wadaa inuu ka soo qaybgalo furitaanka shirka Xoghayaha Guud ee Jaamacadda Carabta Camar Muusa iyo madax sare oo ka socota Laanta Cunada iyo Beeraha Adduunka (FAO).

Wefdiga Wasiirka Beeraha ee Dawladda KMG ah waxaa si diirran oo kal-gacal leh ugu soo dhoweeyay garoonka Dayuuradaha ee magaalada Dubai Wasiirka Beeraha Imaaraadka Carabta Mudane Saciid Bin Maxamed Al-Raqabaani iyo waliba La-Taliyaha Safaaradda Soomaalida ee Abu Dhabi Xuseen Maxamuud Maxamed iyo Qunsul-Xigeenka Qunsulliyadda Soomaaliyeed ee Dubai Maxamed-Yarow Abukar .

---

Your browser is not Java capable or Java has been disabled.

---