Waxaa caawa fiidkii hore ka dhoofay markii ay saacaddu ahayd 8: 45 magaalada Jeddah ee wadanka boqortooyada sacuudiga iyaga oo ku sii jeeda Nairobi, wefdigii ballaarnaa ee u hoggaaminaayey Duqa Magaalada isla markaasna ah Guddoomiyaha Gobolka Banaadir Mudane Maxamud Xasan Cali Gaabow (Cadde).

Guddoomiyaha iyo wefdigiisa inta ay dalka sacuudiga joogeen waxay la kulmeen madax sar sare oo dowlada wadanka sacuudiga ka tirsan, waxayna isla soo qaadeen oo ka wada hadleen sidii loo adkeyn lahaa xiriirka labada dal ka dhaxeeyo iyi sidii ay isaga kaashan lahaayeen horumarinta magaalooyinka ee labada dal.

Ka hor inta aanu guddoomiyaha ka dhoofin waddanaka waxaa halkaas erayo sagootin iyo guubaabo isgu jira ka jeediyey qunsulka Soomaalida u fadhiya Wadanka sacuudiga mudane Maxamed Celmi oo isagu ku soo booday Hotelka uu Duqa/guddoomiyaha degenaa.

Dowlada waxay ku jirtaa diyaar garowgii ugu dambeeyey ee dalka dib loogu noqonaayey waxaana ka qeyb galayaa xiritaanka 13 bishaan jun ka dhici doona wadanka Kenya magaalo madaxdiisa Nairobi sidaasna waxaa yiri Mudane Cadde oo ay markaasi wejigiisa ka muuqatay kalsoonida u u qabo dadkiisa iyo dalkiisa.

Waxaa wefdiha ku wehilyey Duqa/Guddoomiyaha Mudane Cabdi Jiinoow iyo Mudane Cadulqaadir Shiiqeey.

Dadka wefiga wax ka sagootaiyey waxaa ka mid ahaa mudane Maxamed Cali Gacal Darbane iyo mudane Cabdulqaadir Nur Cumar oo isagu qeyb libaax ka qaatay soo dhaweeyna wefdigaas

banadir.com
waxaa soo diyaariyey : Mr M. Ali Gaal

Magacyada Guddiga Dib u heshiisinta ee Maanta Golaha Wasiirada ay ansaxiixeen

Fadhigii Maanta ee Golaha Wasiirada ayaa waxaa lagu magacabay Guddi dib u heshiisin oo ka kooban 27 xubnood kuwaasoo kala ah:

Beesha hawiye:

1- Duuliye sare Cabdi Cismaan Faarax,
2- Abuukar Socdaal Abtidoon,
3- C/laahi Cabdi Soomane
4- Cali Ugaas Cabdule,
5- C/kariin Cali Faarax,
6- C/qaadir Xaaji Maxamed (lugadheere).

Beesha Daarood:

1- Maxamed Maxamuud Xasan (weekiyo),
2- Maxamed Cali Cabdi,
3- C/qaadir Xuseen Nuur Dirir,
4- Axmed Sheekh Saalax,
5- Maxamed Faarax Canshuur,
6- Cismaan Cawad Cali

Beesha Digil iyo Mirifle

1- Isaaq Malaaq Ibraahim,
2- Ali Mohamed Aadan (Beer Beer),
3- Sheekh Xasan Gaab
4- Xaaji Siidow Maxamed Cumar,
5- Mukhtaar Abuukar,
6- Sayid Cali Cabdi Muxyadiin

Beesha Shanaad:

1- C/casiis Mukhtaar Qariidi,
2- Tahliil Cabdi Maxamed,
3- Abroone Xaaji Yuusuf.

waxaan weli soo gudbin xubnuhii uga mid noqon lahaa Gudigan Dib u-heshiinta qaran Beesha Dir oo laga sugayo in ay 6 dooda xubnood ugu soo gudbiyaan sida ugu dhaqsaha badan,iyadoo isla fadhigana lagu ansixiyey xeerkii lagu dhaqi lahaa guddigaan dib u heshiisiinta Qaran.

Shirkii maanta ayaa sidoo kale lagu magacaabay Saraakiil dowladeed kuwaasoo qaarkood horay ugu shaqeyn jiray xilalka maanta lagu magacaabay, waxaana ka mid ah: Yuusuf Cumar Azhary oo loo magacaabay La Taliyaha arrimaha Siyaasadda ee madaxweyne C/llaahi Yuusuf Axmed, Maxamed Cumar Xabeeb (Maxamed Dheere) ayaa isaguna loo magacaabay la taliyaha Arrimaha Nabadgelyada ee Madaxweynaha, sidoo kalena Caydiid Ilka Xanaf ayaa isaguna loo doortay in uu noqdo La taliyaha Dhinaca Sharciga ee Madaxweynaha, Maxamed Yuusuf Weyrax ayaa isaguna loo magacaabay la taliyaha dhinaca dhaqaalaha ee xafiiska Madaxweynaha, halka Daahir Mire Jibriil loo magacaabay Madaxa Xafiiska Madaxweyne C/llaahi Yuusuf Axmed

Sidoo kalena waxaa lagu magacaabay Shirkii maanta Wakiilka Qaramada Midoobay u fadhin doona Soomaaliya, kaasi oo ah Dr. Cilmi Axmed Ducaale, iyadoo Danjiraha Soomaaliya u fariisan doona dowladda Shiinahana loo magacaabay Maxamed Axmed Cawil