Soomaaliya iyo Ethiopia waxay ku heshiiyeen inay iska kaashadaan amuuro badan oo khuseeya hagaajinta calaaqaadkooda , kadib markii lagu soo gebegebeeyay wadahadalo beryahan uga socday Addis-Ababa wefdi ka socda Xukuumadda KMG ah ee Soomaaliya iyo madax ka tirsan Dawladda Ethiopia , sidaas darteedna ay labada dal is-dhaafsan doonaan mustaqbalka dhow diploomaasiyiin kala matala , si loo xaqiijiyo bog cusub oo furma xiriirkooda.

Waxay Ethiopia ku ballanqaaday inay ku dadaali doonto dhameystirka hawlaha lagu heshiisiinayo Xukuumadda KMG ah iyo Mucaaradka .

Si taas u hirgashana , wefdi Ethiopian ah ayaan dhowaan tagaya Muqdisho . Sidoo kale , waxay wararku sheegayaan in Wefdiga Xukuumadda KMG ah uu durbadiiba kula kulmay Addis-Ababa xubnaha Golaha Nabadda ee Mucaaradka , iyadoo la filayo inay sii socon doonaan shirarkooda maalmaha soo socda , si loo gaaro xal dhameeya dagaalka sokeeya ee Soomaaliya .

Wixii faahfaahin ah fadlan ka akhriso maqaalkan oo ay qortay maanta 16th June 2001 Jariidada Al-Khaliij .