Mogadishu,27th Feb. 2002 By Banadir.com

Waxaa Xukuumadda KMG ah ee Soomaaliya dhowaan soo gaaray gargaar bani'aadanimo oo dhan 300 oo ton oo isugu jira cunno kala duwan, daawo iyo dhar la hugto .

Waxaana kaalmadaas ku deeqay Ururka Bisha Cas ee Imaaraadka, iyadoo iminka iyo wixii ka danbeeyana laga filayo Ururkaa gargaar dheeraad ah oo lagu taakuleeyo danyarta Soomaaliyeed .

Sida la ogsoon yahay, wuxuu Ururka Bisha Cas ee Imaaraadka ku leeyahay magaala madaxda Muqdisho Xafiis fuliya hawlaha gargaarka bani,aadanimo, wuxuuna ilaa iyo burburkii Dawladii Maxamed Siyaad ka fuliyay dalka mashaariic dhawr ah oo waxtar u leh shacabweynaha.Waxaa xusid mudan Dugsiyada waxbarashada ee Ururku ka furay magaalo madaxda iyo dhawr gobol oo dalka ah iyo mashaariicda looga qoday dhulalka oomanaha ah ceelasha biyaha iyo dhismayaasha masaajido badan.