Gabadh Soomaaliyeed oo magaceeda la yiraahdo Xamda Maxamed Cabdullahi Cigaal ayaa kaalinta labaad ka gashay Imtixaanaadka dhanka Cilmiga ah ee loo qaaday sanadkan Dugsiyada Sare ee Imaaraadka, waxayna heshay derajo aad u sarreyso oo dhan 99.7 % , iyadoo dhigan jirtay Dugsiga Sare ee Gabdhaha ee Sakiina Bint Al-Xuseen.

Markii uu shalay 1da July 2001 ku dhawaaqay Wasiirka Waxbarashada iyo Dhalinyarada Imaaraadka Dr. Cali Cabdulaziz Al-Sharhan natiijada Imtixaanadka, Xamda reerkeeda iyo Maamulka Dugsigeedaba si aad ah ayeey ugu farxeen, waana guul weyn oo u soo hoyatay Jaaliyadda Soomaaliyeed ee ku dhaqan dalka Imaaraadka .

Ardada Soomaaliyeed waa kuwa had iyo jeer ka muuqda waxbarashada Imaaraadka oo hela darajooyin sare sare .Tusaale Waxaa nooga filan markii ay iyana gabadh kale oo Soomaaliyeed oo magaceeda la yiraahdo Ifraax Maxamuud Guuleid ay heshay derejo dhan 98.2% sanadkii 1999 .

For More details, please read this article by Gulf News http://www.gulfnews.com/Articles/News.asp?ArticleID=21210