Wasiirka Gaadiidka Cirka iyo Dhulka ee Dowladda KMG ah Mudane Cabdi Guuleed ayaa kula kulmay Magaalada Toronto qaar ka mid hogaamiyayaasha ururada somlida ee magaalada Toronto isagoo ka soo laabtay shirkii International Civil Aviation ee lagu qabtay Magaalada Montreal .

Wasiirka oo warbixin gaar ah oo ku saabsan socodkiisa iyo mid guud oo ku saabsan xaaladda guud ee dalka ka siiyay dadkii ka soo qayb galay shirkaas. Wuxuuna ugu baaqay jaaliyadaha iyo aqoonyahanada Somaliyeed ee dibbada joogo in xoogooda, aqoontooda iyo maalkoodaba si xoogga ah loogu baahan yahay, wadankuna uu hadda dib u dhisib iyo dib u heshiisiin ku jiro.

Wasiirku wuxuu kaloo si kooban uga jawaabay suaalo ku saabsanaa xaalka ay ku sugan yihiin qaar ka mid qalabkii hore ee wasaarada sida dayaaradihii hore ee Shirkadda Somali Airlines.

Inkastoo ay iska caddahay dhibaatada baaxadeeda, haddana hadalkiisa waxaa ka muuqday rajo iyo in muddo dheer ay qaadan doonto dhismaha wadanka , loona baahan yahay in aan lagu daawan Dowladda KMG ah oo awoodeeda iyo dhaqaalaheeduba ay kooban yihiin.