Neirobi..24 nov..Raiisul Wasaaraha Dowladda Federaalka KMG prof Cali Maxamed Geedi ayaa maanta ka furay Hoteelka Windsor ee Magaalada Neyrobi,Qubaro Soomaaliyeed iyo kuwa Ajnabi ay ku dersi doonaan Diyaarinta Baahida barnaamijka Dib-loogu dhiso Dalka Soomaaliya.

Munaasabadda Furitaanka Kulankaasi oo ay raiisul Wasaare Gedi ku wehliyeen ku-xigeenkiisa,ahna Wasiirka Arrimaha Gudaha Injineer Xuseen Ceydiid,Wasiirka Qoresheynta Dr.Cabdirisaaq Xasan Cusmaan Juriile waxaa si wadajira usoo diyaariyay hay'adaha bangiga Addunka,UNDP iyo EC waxa uu socon doonaa muddo sadax cisha ah,iyadoo looga doodi doono qoddobo muhiim u ah dib u dhiska Dalka Soomaaliyeed oo ay burburiyeen Dagaalo Sokeeye oo socday 15kii sano ee tagtay.

Munaasbadda Furitaanka Kulankasi Khudbad uu ka jeediyay Raiisul Wasaare Geedi waxa uu si qota dheer uga waramay muhiimadda uu kulanka u leeyahay sidii wax looga qaban lahaa baahida la xiriirta dib u dhiska iyo horumarinta Dhaqaalaha iyo adeegyada muhiimka u ah Nolosha Dadka Soomaaliyeed.

Wakiilka Xoghayaha guud ee Qaramada Midoobay ee arrimaha Soomaaliya Mudane Francois Fall,Xiriiriyaha hay'adaha Qaramada Midoobay Muidane Max Gaylard , Wakiil ka socday Guddiga Yurub iyo Bangiga Addunka oo Munaasbadaasi waxay dhamaan Xuseen baahida loo qabo qabashada kulankaasi iyagoo caddeeyay in ay muhiim tahay in Beesha Caalamka iyo Qubarada Soomaaliyeed ay iska kaashadaan Ogaanshaha Baahida ku aadan dib u dhiska Dalka iyagoo tilmaamay inay si buuxda u taagi doonaan sidii loo maalgalin lahaa wixii daraasad ee ka soo baxo kulanka,islamarkaana Beesha caalamka ugu qaban laheyd Shirweyne loogu yabaahayo Dhaqaale dib loogu dhiso Dalka Soomaaliya.

Kulanka oo ku dhacay jawi aad u sareeyay waxa uu wax weyn ka tari doonaa sidii Soomaalida gacan loogu siin lahaa dib u dhiska Dalka.

W.Q. Abdirahaman Diinaari