Dubai,6th August 2001

Wefdi ballaaran oo uu hogaaminayo Wasiirka Arrimaha Gudaha ee Dawladda KMG ah Mudane Daahir Maxamed Sheikh (Dayax) ayaa xalay ka soo dagay magaalada Dubai ee dalka Imaaraadka Carabta, iyagoo ku tagi doona berrito dalka Masar booqasho rasmi ah oo dhawr maalmood ah .

Waxaa Wefdiga si diirran xalay ugu soo dhoweeyay garoonka dayaaradaha ee Dubai Qunsulka Safaaradda Soomaalida ee Abu Dhabi Mudane Xuseen Max'ud Maxamed iyo madax kaloo ka socotay Dawladda Imaaraadka.

Wefdigaa uu hogaaminayo Wasiirka Arrimaha Gudaha ee Dawladda KMG ah waxaa ka mid ah General Cali Ismaaciil, La-Taliyaha Madaxweynaha ee Arrimaha Ciidamada iyo Col. Cabdi Xasan Cawaale, Taliyaha Ciidanka Boliiska Gobolka Banaadir iyo saraakiil kale , waxayna booqashadoodu la xiriirtaa guud ahaan xoojinta iskaashiga dhinacyada badan ee labada Wasaaradood ee labada dal, gaar ahaana amuuraha khuseeya adkeynta nabadsugidda iyo amniga dalka.