Waxaa Magaaladda Maalmahaan imanayay Ciyaartooy ka kala timid Yurub iyo USA, (Holland, Ohio, Washington Dc, Atlanta Minnesotta) , waxayna marti u yahiin Naadiyadda Toronto ka dhisan, sida Banadir, Iftin North Star Madiino, Somali United , Somali Star, and Soyat. Magaaladda Toronto oo runtii laga dareemay in isbedel xoog leh ka jiro maalmahaan dhaqdhaqaaqa xagga Soomaalida oo runtii heer sare ah is jeclaan iyo wajiyo runtii ka muuqdo farxad iyo reyn reyn .

Gudiga Abaabulka Sport ee Toronto oo weli dadaal ugu jiro inay wax ka badalaan Maamulka ayaa waxay abuurtay in Soomaali oo idil hal meel isugu timaado, taaso soo celisay dad badan oo runtii sportiga ilooway kolkii kala qaybsameen qabiil Sanadkii 1997.

Soo dhaweyn heer sare ayaa Toronto ka muuqato Ciyaartooy ka wada timid yurub iyo USA oo loo wada balan qaaday hooy iyo cuno free sida Banadir Restaurant, Wagad Restuarant. waxayna wada degan yahiin guryo loo ijaaray, kuwa waxay la seexdaan saaxiibadooda.

Maanta waxaa u dabaaldegnay maalinta Xornimadda July 01 oo la qabtay tartan kubadda cagta ee Ciyaartooyda Washington Dc iyo Xulkii Hore ee Soomaaliya Iyo Seria A. Toronto. Waxaana ka soo qayb galay Dadweyno runtii aad iyo aad u badan Ciyaarta waxay ku dhamaatay Rigore oo ay ku badisay Kooxda Washington Dc. Somali Week In Toronto oo runtii looga wada yimid Aduunka oo dhan ayaa waxay cayaarahaan si habsame ah uga dhicdoonaan "Centenial Park".

Isku aadka ciyaaraha kubadda cagta ee tobobaadka soomaaliyeed ee 2001