14th October 2001
Report prepared by Banadir.com

Iyadoo uu weli socdo dagaalkii beryahan ka socday Muqdisho ee u dhexeeyay ciidamada Hogaamiye Kooxeedka Xaaji Muuse iyo kuwa Dawladda KMG ah ,kaas oo u geystay magaalada iyo dadweynaha rayidka ahba khasaare xoog leh,dhimashaduna kor u dhaaftay labaatan halka dhaawacu gaaray ilaa iyo lixdan,ayaa galabta(14th October 2001) waxaa idaacadda bbc-da laga wareystay Xaaji Muuse Suudi :-

Wuxuu Xaaji Muuse hadalkiisa ku caddeeyay in Cabdiqassim iyo xulafadiisa ay ka mas'uul yihiin dhimashadii iyo khasaarihii uu dagaalkan keenay, iyadoo ciidamadiisu ay mar kasta difaac ahaayeen, halka qolada kale ay weerarka ku jireen .

Wuxuuna sheegay inuu si aad uga taxadirayay in dagaalku ku soo fido meelaha ay dadka rayidka ah ku badan yihiin, isagoo isla markaana diyaar u ah waanwaanta nabadda ee lagu joojinayo xabadda .

Mar wax laga weydiiyay inuu ka faa'iideysanayo khilaafka soo dhex galay beryahan Cabdiqassim iyo Cali Khaliif, wuxuu Muuse Suudi sheegay inaysan u kala sokeyn, maadaama ( Hal booli ah aysan nirig xalaal ah dhalayn) . .