MOMBASA,AFP-21st March 2002 Dubai,21st March 2002
Translation by Banadir.com

Sida ay qortay maanta Jariidada caanka ah ee Al-Khaliij ee Imaaraadka ka soo baxda (cadadkeed afka carabiga), wuxuu madaxa Xukuumadda KMG ah ee Soomaaliya Xasan Abshir Faarax ku hanjabay inuu iska casili doono mansabka Ra'iisul Wasaaranimo hadii aanu taageero dhab ah ka helin shacabweynaha Soomaaliyeed, xaaladda dalkuna sii xumaato .

Waxay kaloo Jariidada Al-Khaliij qoraalkeeda sii raacisay inuu Xasan Abshir ku caddeeyay hadalkiisa oo laga soo wariyay magaala madaxda Muqdisha in hadafka dhabta ah ee Xukuumadda KMG ah uu yahay dhameystirka barnaamijka dib-u-heshiisiinta dalka, kaas oo Dawladaha ku jira Ururka IGAD ay ayidsan yihiin , laguna wado inay Xukuumadda KMG ah iyo Mucaaradkuba ku kulmaan magaalada Nairobi dhowaan.

Wuxuu kaloo Xasan Abshir shaaca ka qaaday inay jiraan wada xaajood dhexmaray Xukuumadiisa iyo Maamulka Puntland ee ka jira gobolada Waqooyi Bari Soomaaliya , isagoo ugu danbeyntiina ugu baaqay madaxda mucaaradka gobolada Koonfureed ee Muqdisha iyo Baydhaba inay ka soo qaybgalaan shirka Nairobi ,xilna iska saaraan meelmarkiisa

---

Your browser is not Java capable or Java has been disabled.

---