Col. Abdullahi Yusuf - Madaxwaynaha Cusub ee Somaliya

(banadir.com ) ( Oct 10 2004) by Asad Nur Mahamed-

Wararka naga soo gaarayay Magaaladda Nairobi ayaa sheegaya in Abdullahi yusuf loo doortay Madaxwaynanimadda Somaliya doorasho furan oo ka dhacday maanta wadanka Kenya , magaaladda Nairobi o ay ka soo qayb galeen dhamaan dagaal ogaashaashii wadanka baabiiyay iyo Ururada Bulshadda, Saraakiil iyo Nabadoono soomaaliyeed oo danaynaayay dhismaha Dowladd Somaaliyeed oo loo dhan yahay..

Tiradad cusub oo na soo gaartay ee wareega labaad waxay tahay sidan: C/laahi Yuusuf (147 ) Cod, C. Axmed Caddow (65) Cod iyo Qanyare (38) Cod. Tiriskii oo waqti dhow dhamaaday , waa tirada aan tirinay oo ay dhiman tahay go'aankii guddiga doorashada oo kaliya.

Maanta duhurnimadii intii aan la bilaabin cod dhiibashada ayaa waxa halkas ka hadley Guddoomiyaha Baarlamanka cusub ee Federaaliga ee Soomaaliy, Shariif Xasan Shiikh Adan oo xubnha Baaralamanka halkaas ku goobaabiyey iney daacadnimo iyo xasilooni ku galaan doorashada. Waxa dhanmmaan musharaixiinta laga saxiixey warqado ay ku ballanqaadayaan iney u hogaansamayaan natiijooyinka ka soo baxa doorashadan, islamarkaana ay la shaqeen doonaan ooy gacan siin doonaan musharaxa ku guuleysta doorashadan.

Cabdullaahi Yusuf oo caawa noqday madaxweynaha Jamhuuriyada Federaalka Soomaaliya ayaa wareegii saddexaad Cabdullaahi Axmed Caddow kaga guulaystay 189 Cod, halka Cadow ka helay 79 Cod, Laba cod ayaa xumaaday.