Gudoomiyaha Ururka Haweenka Soomaaliyeed Drs. Caasho Cumar "Geesdiir" oo beryahan booqasho wacyigilin ah ku maraysay North America soo gaartay Magaalada Toronto, Canada. Drs Caasho waxay si faahfaahsan uga hadashay xaaladda guud ee dalka uu maraayo, iyo sida loogu baahan yahay qurba jooga Soomaliyeed inay kaalin wax ku ool ah ka qaadan dib u dhisidda Soomaliya. Xafladaas oo ay ka qayb galeen dhamaan qurba jooga degan magaaladda Toronto, waxaana si gaar ah uga dhex muuqday soo dhowaynta Drs Caasho asxaabteeda Jaamacadda Hindiya , Fanaaniita Qaranka iyo dadweyne fara badan.

Drs Caasho waxaay ka codsatay qurba jooga inay xoogooda iyo maalkooda isugu geeyaan siday wax ugu tari lahaayeen walaalahooda Soomaaliyeed ee wadanka jooga , gaar ahaan haweenka Soomaliyeed oo dhibta ugu wayn ay soo gaartay mudadii 20 ka sanno ee la soo dhaafay.

Drs Caasho waxay kaloo booqasho gaaban ku tagtay Wadanka Maraykanka oo si diiran loogu soo dhaweeyay.

Qabanqaabiyayaasha: Hilowle Abukar, Axmed Mire, Farxiyo Gacal, Dhabaryare iyo Batuulo Sh. Axmed.