Nairobi 12/08/2011
By Banadir.com

Waxaa magaaladda Nairobi soo gaaray Mudane Hilowle Abukar Mohamed oo ka mid ah qurbajooga Soomaliyeed ee ku nool magaaladda Toronto ee wadanka Canada. Mudane Hilowle Abukar oo socodkiisa ku soo aaday waqti xasaasi ah oo Caasimadda Muqdisho ay ka jiraan Isbadalo iyo dhibaatooyin badan oo dhinac kasto leh, ayaa la filayaa inuu kulamo la qaato Madax Dhaqameedyo, Madaxda Gobolka iyo Madaxda Sare ee Dowladda Ku Meelgaarka si uu qayb uga qaato dib u dhisidda Caasimaada iyo Mataanayta Magaalooyinka Toronto iyo Muqdisho.

Mudane Hilowle oo hadda ah Director-ka Guud ee Riverdale East-African Canadian Association( NGO ka dhisan Barriga Magaaladda Toronto) una adeega Bulsaha weynta East African Community, qibradna u leh howlaha u adeega Bulshada, kagana qayb galay tababaro, kuna mudaystay Shahaadooyin, ayaa bulsha weynta Soomaliyeed ee Muqdisho ay ka dhowrayaan inuu ku biiriyo qibradiisa dib u dhisidda iyo nolol ku soo celinta Caasimadda Muqdisho.